ប៉ូលីសកំពុងស៊ើបអង្កេតលើការផ្សព្វផ្សាយលក់ទារក តាមអ៊ីនធើណេត

រាជធានីភ្នំពេញ ៖ បុរសម្នាក់ត្រូវក្រុមចោរប្លន់៣នាក់ នាំគ្នាវាយនឹងឈើជ្រុងហើយចាប់ចងស្លាបសេកធ្វើ សកម្មភាពប្លន់យកម៉ូតូម៉ាកគុបសេ៩០ ពណ៌ស្លែមួយគ្រឿង ទូរស័ព្ទ និងប្រាក់ចំនួន៥.០០០រៀល ហើយគេចខ្លួនដោយសុវត្ថិភាព ។ អំពើប្លន់នេះបានកើតឡើងកាលពីវេលាម៉ោង៨ និង៤០នាទីយប់ថ្ងៃទី១០ មករា ២០១៣ នៅតាមផ្លូវលេខ៥៩៨ ស្ថិតក្នុងភូមិខ២ សង្កាត់ច្រាំងចំរេះទី២ ខណ្ឌឫស្សីកែវ នៅពេលដែលជនរងគ្រោះជាម្ចាស់ម៉ូតូធ្វើដំណើរត្រឡប់មកផ្ទះ ហើយឈប់ម៉ូតូឈរបត់ជើងតូចនៅកន្លែងស្ងាត់។ បន្ទាប់ពីក្រុមចោរគេចខ្លួនបាត់ម្ចាស់ម៉ូតូបានរើបំរះរួច ហើយបានធ្វើដំណើរទៅប្តឹងប៉ូលិសតែចោរគេចខ្លួនបាត់ស្រមោល ។

ម្ចាស់ម៉ូតូដែលត្រូវចោរវាយ ចាប់ចងប្លន់នោះឈ្មោះអៀង ស៊ុនដេត ភេទប្រុស អាយុ២៣ឆ្នាំ មានទីលំនៅភូមិឈ្វាំង ឃុំឈ្វាំង ស្រុកពញាឮ ខេត្តកណ្តាល ត្រូវបានចោរវាយរបួសពេញខ្លួន ។

តាមព័ត៌មានឱ្យដឹងថា ក្រុមចោរប្លន់មានគ្នា៣នាក់ ថ្មើរជើងប្រដាប់ដោយដំបងឈើជ្រុង បានធ្វើសកម្មភាពលបវាយមកលើម្ចាស់ម៉ូតូពេលកំពុងបត់ជើងតូចហើយនាំគ្នា ចាប់ចងស្លាបសេកផ្កាប់មុខប្លន់ យកម៉ូតូម៉ាកគុបសេ៩០ មួយគ្រឿង ទូរស័ព្ទអាយហ្វូនចិនមួយគ្រឿង និងប្រាក់ចំនួន៥.០០០រៀលហើយគេចខ្លួនដោយសុវត្ថិភាព ៕