ថ្មី​ៗនេះ​ក្រុមហ៊ុន Kingston បាន​បង្ហាញ​ឧបករណ៍​ផ្ទុក​ឯកសារ (USB Flash drive) មាន ​ឈ្មោះ DataTraveler Locker+ G2 Secure USB Flash drive ស៊េរី​ថ្មី​ដែល​មាន​លក្ខណៈ​ពិសេស​ជាង Flash drive ទូទៅ​ពីព្រោះ ស៊េរី​ថ្មី​នេះ​អាច​កំណត់​ឈ្មោះ និង​លេខ​កូដ​សំងាត់​ ដើម្បី​ធានា​ពី​​ការ​លួច​ចម្លង​ទិន្នន័យ​ឬ​ឯកសារ​ផ្សេងៗ​ដោយ​គ្មាន​ការ​ អនុញ្ញាត​យ៉ាង​មាន​ប្រសិទ្ធភាព​ខ្ពស់។
លក្ខណៈ​សម្បត្តិ​របស់ Flash drive ជំនាន់​ថ្មី​នេះ​រួម​មាន៖
- សុវត្ថិភាពៈ អាច​ការពារ​ទិន្នន័យ​ដែល​មាន​នៅ​ក្នុង flash ជៀសវាង​ការ​លួច​ចម្លង​ទិន្នន័យ​ពី​អ្នក​ដទៃ​ដោយ​កំណត់​លេខ​សំងាត់​នៅ​លើ USB នេះ
- ប្រើ​គណនី​សម្រាប់​បើក​ចូល​ទៅ flash drive បាន ហើយ​វា​នឹង Format ដោយ​ស្វ័យ​ប្រវត្តិ​ប្រសិន​បើ​គេ​វាយ​បញ្ចូល Password ខុស​ចំនួន ១០ដង
- Driver: ប្រើ​ដោយ​មិន​ចាំបាច់​ដំឡើង Driver ឡើយ
- គណនីៈ រក្សា​ព័ត៌មាន​ ជា​ឈ្មោះ​អ្នក​ប្រើ (user) ព្រម​ទាំង​លេខ​កូដ​សំងាត់ (password) បាន​រហូត​ដល់​ទៅ ២០គណនី
- សំបក: ផលិត​ពី​លោហធាតុ​មាន​ភាព​រឹងមាំ​ប្រើ​ជាប់​ធន់​ល្អ
- OS: អាច​ប្រើ​បាន​ជា​មួយ​ប្រព័ន្ធ​ប្រតិបត្តិការ​ដូច​ជាៈ Windows XP, Vista, 7 និង Mac OS X
- ទំហំៈ មាន​បួន​ជម្រើស​គឺ 4GB, 8GB, 16GB, 32GB។
- ល្បឿនៈ ចម្លង​ទិន្នន័យ​ចេញ​មាន 10MB/s និង​ល្បឿន 5MB/s នៅ​ពេល​ចម្លង​ទិន្នន័យ​ចូល Flash។
Flash drive ស៊េរី​ថ្មី​របស់ Kingston ដែល​អាច​ការពារ​សុវត្ថិភាព​ទិន្នន័យ​ខាង​លើ​នេះ​មាន​តម្លៃ ទៅ​តាម​ទំហំ​ផ្សេងគ្នា​រួម​មាន៖ ទំហំ 4GB មាន​តម្លៃ ១៨ដុល្លារ, តម្លៃ ២១ដុល្លារ​សម្រាប់​ទំហំ 8GB, ទំហំ 16GB តម្លៃ ៣៧ដុល្លារ និង តម្លៃ ៨២ដុល្លារ​សម្រាប់ flash drive ទំហំ 32GB។

ប្រែ​សម្រួល៖ ឈុន ហួរ
ប្រភព​និង​រូបភាព៖ loopygadgets