ស្រប​ពេល​ដែល​ប្រជាប្រិយភាព smartphone ទំនើបៗ​នា​ពេល​បច្ចុប្បន្ន​កំពុង​មាន​កំណើន​ខ្លាំង​ឡើងៗ បាន​ធ្វើ​ឱ្យ​អ្នក​ប្រើប្រាស់​ទាំង​អស់​ជា​ពិសេស​មិត្ត​យុវវ័យ​ចាប់អារម្មណ៍ ​ទៅ​លើ​កម្មវិធី​ដែល​មាន​អត្ថប្រយោជន៍​ជា​គន្លឹះ​ដើម្បី​ជួយ​សម្រួល​ការ​គិត ​របស់​អ្នក​ប្រើ។ ម្យ៉ាង​វិញ​ទៀត​ដោយ​នៅ​ថ្ងៃ​នេះ​ជា​ទិវា​នៃ​ក្ដី​ស្រលាញ់​ ដូច្នេះ​ហើយ​​ទំព័រ​នេះ Sruol សូម​ដក​ស្រង់​យក​កម្មវិធី​ដែល​ជំនួយ​ពាក់ព័ន្ធ​នឹង​ស្នេហា​ល្អៗ ដំណើរការ​លើ​ប្រព័ន្ធ​ប្រតិបត្តិការ Android ​​មក​បង្ហាញ​ជូន ដែល​មាន​ជា​បន្ត​បន្ទាប់​ដូច​ខាង​ក្រោម៖
+កម្មវិធី​សម្រាប់​គូរ​ស្នេហ៍​ចំនួន ៥៖

១) Love & Romance Quotes(3MB)៖ ជា ​កម្មវិធី​ផ្ដល់​នូវ​ប្រយោគ​ស្នេហ៍​មាន​ន័យ​ជ្រាលជ្រៅ សម្រាប់​ធ្វើ​ឱ្យ​ដៃគូ​រំភើប​ចិត្ត។ មិន​តែ​ប៉ុណ្ណោះ​គេ​ក៏​អាច​ចែក​រំលែក​ប្រយោគ​ទាំង​នោះ​តាម​បណ្ដាញ​ ទំនាក់ទំនង​ជា​ច្រើន​ផង​ដែរ​ដូច​ជា៖ Facebook, ChatOn, Email, Gmail និង​តាម​សារ (sms) ធម្មតា​បាន​ផង​ដែរ។
២) Love Frame(7MB)៖ ជា​ប្រភេទ​កម្មវិធី​រចនា​រូបភាព មាន​លក្ខណៈ​ពិសេស​បន្ថែម​ស៊ុម​ព័ទ្ធ​ជុំវិញ​រូបភាព​យ៉ាង​ស្រស់​ស្អាត​ជា​ ច្រើន​សម្រាប់​គូស្នេហ៍​ថត​ជុំ​គ្នា។
៣) Love Poems(548KB)៖ កម្មវិធី ​ជា​ជំនួយ​ដល់​ការ​សរសេរ​កំណាព្យ​ស្នេហ៍​ដែល​មាន​ឃ្លាឃ្លោង​ល្អៗ សម្រាប់​ជា​គន្លឹះ​ក្នុង​ការ​សរសេរ​ជូន​ដល់​គូស្នេហ៍​របស់​អ្នក​ដើម្បី​ បង្កើន​ភាព​ស្និទ្ធស្នាល ហើយ​គេ​ក៏​អាច​ផ្ញើ​វា​ទៅ​កាន់​អ្នក​ដែល​ជា​ទី​ស្រលាញ់​របស់​អ្នក​បាន​ផង​ ដែរ។
៤) Love Card(1.3MB)៖ ជា ​កម្មវិធី​សម្រាប់​ធ្វើ​កាត​ស្នេហា​ជូន​ទៅ​នាក់​ជា​ទី​ស្រលាញ់។ វា​មាន​ម៉ូដ​អក្សរ​ស្អាតៗ​ជា​ច្រើន​អាច​ជ្រើសរើស​សម្រាប់​សរសេរ​នៅ​លើ​ ប្រភេទ​កាត​ស្រស់​ស្អាត​ជា​ច្រើន​ផង​ដែរ ដែល​អ្នក​អាច​ជ្រើសរើស។
៥) Love Test Calculator(20MB)៖ កម្មវិធី​នេះ​អាច​ទស្សន៍ទាយ​ទៅ​លើ​ភាគរយ​ដែល​ដៃគូ​ស្នេហា​ទាំង​ពីរ​អាច​ ស្រលាញ់​គ្នា ដោយ​បំពេញ​ឈ្មោះ និង​ថ្ងៃ​ខែ​ឆ្នាំ​កំណើត​ជា​មុន។ ភាគ​រយ​កាន់​តែ​ច្រើន​បង្ហាញ​ថា​សេចក្ដី​ស្រលាញ់​របស់​គេ​​មាន​ចំពោះ​គ្នា​​ កាន់​តែ​ខ្លាំង។
យ៉ាង​ម៉េច​ដែរ តើ App ណា​ដែល​គិត​ថា​ជា​តម្រូវ​ការ​ខ្លាំង​ជាង​គេ​របស់​អ្នក​ ? :)
ដោយ៖ ឈុន ហួរ sabay